စိတ်ကြွမူးယစ်ဆေးကို ကော်ဖီအမှတ်နဲ့ ဖျော်သောက်မိလို့ တာချီလိတ်မှ ဆရာတော်တစ်ပါးနှင့် ဒကာ (၄) ဦး သတိလစ်

ဒီကနေ့ အောက်တိုဘာ(၁၇)ရက်နေ့ ၊ နံနက်က တာချီလိတ်မှာ KTV နှင့် ကလပ်သွားသူတွေ ကခုန်ရာမှာ စိတ်ကြွစေဖို့အသုံးပြုတဲ့ မူးယစ်ဆေးကြောင့် သတိလစ် မူးလဲမှုတွေဖြစ်ပေါ်ခဲ့ကာ အဆိုပါ ကိစ္စကို အတော်အများက စိတ်ကြွဆေးလို့ မထင်မှတ်ပဲ ကော်ဖီတစ်မျိုးကို သောက်သုံးမိရာမှ စတင်ဖြစ်ပွားခဲ့တယ်လို့ ထင်မှတ်နေကြပါတယ်။

တကယ်က ဘုန်းဘုန်းတစ်ပါး နှင့် ဒကာ(၄)ဦး တို့ ဟာ KTV နှင့် ကလပ်သွားရောက်သူတွေ ကခုန်ရာမှာ အဆင်ပြေအောင်သောက်သုံးလေ့ရှိတဲ့ Hap

py Water ခေါ် စိတ်ကြွမူးယစ်ဆေးတစ်မျိုးအား ကော်ဖီအဖြစ်ထင်မှတ်ပြီး ဖျော်သောက်မိရာကနေ သတိလစ်မေ့မျောသွားတာဖြစ်တယ်လို့ သိရပါတယ်။

တာချီလိတ်မြို့၊ ကျောက်တောင်ရပ်မှာရှိတဲ့ နတ်မောက်ရွှေသူဌေးကုန်း ကျောင်းတိုက်မှ ဆရာတော်ဥူးကေလာသ နဲ့ ဒကာ (၄) ဦးတို့ဟာ Happy Water ကို ကော်ဖီအမှတ်နဲ့ သောက်သုံးမိခြင်းကြောင့် မူးမေ့လဲသွားကာ အခုတော့ ဆေးရုံတင်ထားရတာဖြစ်ကြောင်း ၊ မနက် (၁၀) နာရီခွဲခန့်အထိ ဆရာတော်နဲ့ အသက် (၅၀) ကျော်အရွယ် ဒကာတစ်ဦး သတိလစ်မေ့မျောနေဆဲဖြစ်ပြီး ကျန်တဲ့လူတွေတော့ သတိရပြီလို့ သိရပါတယ်။